Nos Mathias Secundus D. g. Hungariae, Bohemiae, Dalmatiae, Croatiae rex.... Notum facimus reversalibus hisce, omnibus et singulis, promisisse nos tutelam et conservationem regni Bohemiae, baronům, nobilium, Pragensium, aliarumque civitatum totiusque communitatis regni, ita ut irrita integraque ipsorum iura, ordinationes, maiestatica, privilegia, libertates, statuta, gratiae, in ecclesiasticis et in politicis, conclusiones denique regni, inprimis vero anni 1608 et 1610 factae. sic quoque transactiones ipsorum in puncto religionis cum communicantibus sub una et sub utraque eorumque unionis nec minus cum principibus et ordinibus Silesiae sub utraque eorumque anno 1609 facta[e] et aliae ipsorum consuetudines et ritus ac donationes, imprimis vero piae et sanctae memoriae regis Ottagari, regis Johannis, Caroli imperatoris, regis Wenceslai, caesaris Sigismundi, regis Alberti, regis Ladislai, regis Georgii, regis Wladislai, imperatoris Ferdinandi, caesaris Maximiliani et domini fratris nostri carissimi, Rudolphi imperatoris, ab omnibus ipsorum maiestatibus procedentes donationes et rescriptiones cis omnem contradictionem, ut diximus, sarta tecta irritaque ut maneant; et promittimus adhuc in omnibus istis nos fidem servaturos. Promisimus etiam arcem Carlstein, ubi diadema regium cum caeteris clenodiis, tabulis et privilegiis regni asservatur, nemini citra voluntatem et consensum ordinum, baronům, nobiliutn et Pragensium, nisi illis, quos ipsi elegerint, sub curam daturos.

Policiti quoque sumus, nos sub bono ordine antiquaque consuetudine regnum Bohemiae directuros et conservaturos. Caeterum promisimus, nullum exterum vel peregrinum, sive ille sit ecclesiastici vel politici ordinis, in ullum officium, sive regni aut civile, nos intrusuros vel admissuros neque ad ulla particularia officia regni, praefecturas aut cuiuscunque nominis illa fuerint, promoturos, sed solis natione Bohemis id relicturos, facturos nos ista non nisi cum consilio ordinum, observaturos nos etiam hoc idem in circumiacentibus et incorporatis regionibus, sicuti Carolus imperator et alii reges praedecessores nostri fecere.

Promisimus insuper, nulla nos bona, sive sint principatus, urbes, arces, fortalitia, feuda et quae his similia, a corona Bohemiae vel incorporatis neque per dotes aut alio quocunque modo nos abalienaturos, imo potius, quod a corona unquam separatum, ut restituatur, procuraturos. Simul etiam, quantum ad monetám, promisimus, in suo valore ipsam nos relicturos nec ullo pacto extenuaturos absque ordinum consensu, sed, sicuti a corona Bohemiae vigore privilegii ipsorum statutům est, ita relicturos. Haec penes quoque promisimus, si cui ex ordinibus in particulari ab antecessoribus nostris Bohemiae regibus fuerat donatum, sive illud in ecclesiasticis aut secularibus vel regiis bonis fuerit, nos nihil immutaturos, modo id contra regis Wladislai omnibus ordinibus regni Bohemiae gratiam et libertatem datam non quadret. Finaliter promisimus ordini cuivis in specie, ipsum in suis iuribus, ordinationibus, privilegiis, libertatibus, statutis, consuetudinibus, gratiis, prout cuique proprium est, conservaturos et confirmaturos.

Ad confirmationem harum reversalium cum subseriptione manus nostrae propriae sigillum nostrum regium appendi mandavimus.

Datae in arce Pragensi, die Veneris post festům Corporis Christi anno 1611.