366. Jan Tenzonius, agent arcibiskupa Pražského v Římě, podává mu správu, že nemohl odevzdati listu jeho kardinálovi de Camerino, jenž vydal se do Monte Cassina; úmysl arcibiskupův založiti v Praze kollej šlechtickou, že vzbuzuje u sboru kardinálů radosť; nový nuncius nespěchá prý se svým : odjezdem z Říma přijav jen nerad své poslání.
V ŘÍME. 1597, 27. září. - Orig v archivu arcibisk. Pražsk. Corresp. Zbyňka Berky arcibisk.
Illustrissime et reverendissime domine, domine colendissime. Cum nudius tertius illustrissimae Doininationis Vestrae literae 8. huius mensis scriptae ad me pervenissent, discesserat ex urbe paulo ante animi gratia ad quaedam loca finitima et praecipue ad Montem Cassinum illustrissimus cardinalis de Camerino, unde nec nisi post quindecim dies reversurus dicitur. Itaque ad ipsius reditum literas illustrissimae Dominationis Vestrae illi tradendas reservabo. Interea tameu illustrissimis cardinalibus Paravicino et Matthaeio communicavi, quid cum Sua Caesarea Maiestate actum fuerit de collegio nobilibus regni istius eligendo: Placuit ambobus mirum in modům tam salubris et honorifica tractatio, quam uťque dignam censuerunt, quae ad sanctissimi domini nostri aures quanto citius occassione data perferatur, veruni ob infirmam Sanctitatis Suae valetudinem morae alicuius molestia sustinenda erit. Perlecta fuit ante dies 15. in congregatione cardinalium concilio Tridentino interpretando praefectorum relatio status ecclesiae Pragensis superioribus mensibus, dum hic esset reverendissimus D. Kleselius composita et Illustrissimo cardinali Matthaeio exhibita, quae quidem ab omnibus, ut audio, valde probata et commendata fuit; literae tarnen super ea, ut moris est, a cardinale Matthaeio nec-dum conscriptae fuerunt, quoniam illustrissima dominatio Sua videre cupiat exemplum brevis Sixti V. tempore hac ipsa occasione visitationis liminum apostolorum illustrissimae Dominationis Vestrae praedecessori olim transmissum, quod iam diligenter perquiri et describi curatur.
De novi nuncii discessu nihil adhuc certi, is enim, quia non libenter venit, differt quantum potest, licet a sanctissimo domino nostro iam pridem diinissus ac deinde monitus fuerit, ut iter ampere pro per ar et.
Hic finio meque illustrissimae Dominationi Vestrae debita cum reverentia subiicio et commendo valetudinem illi optimam et felicem desideriorum suorum exitům a domino rogans. Romae die 27. Septembris 1597.
Illustrissimae ac reverendissimae Dominationi Vestrae humillissimus et devinctissimus servus
Joannes Baptista Tenzonius Castellinius.