VE VRATISLAVI. 1596, 4. dubna, — Souč. opis y c. k. místodržitelském archivu v Praze. L. 34. (1590—1599).

Nos principes, barones, nobiles, status et ordines provinciae et ducatuum utriusque Silesiae, notum facimus tenore praesentium universis quibus expedit. Cum sacratissima Caesarea, Hungariae et Bohemiae Kegia Majestas, archidux Austriae, dux Burgundiae, marchio Moraviae, dux Lucenburgensis et Silesiae, Lusatiaeque marchio, dominus noster clementissimus, pro innata sua planeque paterna erga regna, principatus et ditiones suas ut et universam christianam rempublicam cura et sollicitudine de communi foedere ad reprimendam immanissimi Turcarum tyranni saevitiam et ferociam cum serenissimo principe ac domino domino Sigismundo Ili, rege Poloniae ac Sueciae, magno duce Lithvaniae, Russiae, Prussiae, Masoviae, Samogitiaeque duce, domino nostro granosissimo et statibus atque ordinibus regni Poloniae ineundo consilia susceperit, atque eo nomine summus romanae ecclesiae pontifex ex singulari affectione et summa hactenus spectata fide oppressi gregis Christi a turcica barbarie et tyrannide liberandi eiusmodi foederis curarn et tractationem in se benigne receperit, ac proinde sacra Caesarea Majestas totuin negotium pro salute publica ad optatum finem deducendum Sanctitati eius concrediderit, idcirco nos sacrae Majestatis suae Caesareae pro tam paterno amore, quo universam christianitatem, potissimum vero regna et ditiones suas complectitur et salutem pu-blicam magno studio procurai, singulares gratias quam humillime agentes ad ineundam et concludendam huiusmodi confoederationem contra Turcam cum serenissimo rege et statibus regni Poloniae plonam et absolutam potestatem, facultatem et potentiam contulimus, dedimus et eoncessimus et vigore harum litterarum damus, concedimus, conferimusque ita, ut sacra Caesarea Regiaque Majestas, dominus noster clementissimus, cum praedicto serenissimo rege et regno Poloniae pro nobis principi-bus, baronibus, nobilibus, et statibus provinciae et ducatuum utriusque Silesiae adversus communem et perpetuimi nominis Christiani hostem Turcam generale vel speciale foedus aut confoederationem, prout idipsum dictae Caesareae Majestati, regnis et provinciis Majestatis eiusdem et reipublicae chri-stianae maxime ex usu esse et couducere potuerit, publico omnium statuum et ordinum nomine inire, approbare et ratificare possit et valeat, obligantes nos bona fide et successores nostros, illa omnia, quae ultro citroque huius contra Turcam confoederationis nomine facta et tractata ae definita fuerint. nos ex parte nostra perpetuo firma rata et grata habituros, ac firmiter ac inviolabiliter observaturos esse. In quorum fidem et testimoniimi hasce literas sigillis nostris communiri iussimus. Datae Vratislaviae in consilio principům, baronům, nobilium et statuum 4. die mensis Aprilis anno 1596.