VE VARŠAVĚ. 1578, 21. dubna. Desky zemské menší kvat. instr. a list. pos. žlutý, č. 128. I. 27.

Responsum omnium statuum ac ordinum regni Poloniae et magni ducatus Lithvaniae ad legationem amplissimorum inclyti regni Bohemiae statuum ac ordinum per magnificum, generosum, nobilem ac strenuum dominos Ladislaum seniorem a Lobkowicz, regni Bohemiae summum curiae magistrum, Albertum Kapaun de Swoykow, burgravium districtus Hradecensis, prudentem ac circumspectum Andream. Zutherum, civem et senatorem Novae urbis Pragensis, oratores et legates ad eosdem ordines polonicos et lithvanicos destinatos Warsoviae in comitiis generalibus electionis novi regis anno domini 1573 die 21. Aprilis datum.

Magnae atque singularis benevolentiae tum insignis ac plenae fraternae charitatis testimonium luculentissimum dederunt proceres ac reliqui omnes inclyti regni Bohemiae status et ordines erga gentem nostram polonam sibi ut cognatione illa antiqua in sanguine duorum fratrum utriusque gentis autorum, sic potissimum aliis omnibus gratis atque jucundis necessitudinibus, quales fiunt inter vicinos populos, devinctae, quod hoc tristissimo atque durissimo tempore orbitatis suae ex amisso optimo principe atqua rege suo legationem adeo amplam atque splendidam in personis magnificarum ac generosarum Dominationum Vestrarum huc ad status regni Polonici miserint plenam amoris, consiliis salutaribus, auxiliis etiam ac praesidiis ad corroborandas res nostras communes pernecessariis refertissimam. Quo nomine quam maximas possumus agimus illorum praestantiis gratias, omnino de illis persuasi ab optimo et singulari quadam affectione devincto illorum erga nos animo haec proficisci. Quae ipsa magni solatii loco in tam acerbo casu nostro reponimus ac vice firmissimi praesidii rer um nostrarum aestimavimus ea, quae nobis amplissimi regni Bohemiae status per magnificas Dominationes Vestras offerunt. Nos certe nunc in perturbatione rerum nostrarum in hac orbitate solii regalis nihil aliud ipsarum praestantiis offerre possumus praeter egregia atque ad bene merendum propensissima nostra studia, ad quae insuper a viribus et facultatibus nostris nihil unquam decedere pateremur, quaecunque ad decus et ornamentum illius gentis amplificandum recte et ex usu aliquando collocare possemus, eadem sibi vicissim pro mutua conventione ab illius regni ordinibus pollicentes, quae ipsa quoque legatio magnificarum et generosarum Dominationum Vestrarum prosequitur.

Nunc quod ad capita legationis magnificarum et generosarum Dominationum Vestrarum attinet, fatentur libere ac libenter omnes status polonici, quaecunque legatio diserte sane commemor at de cognatione gentis suae bohemicae cum nostra polona, de mutuis eorum inter se officiis ad communem vitam recte gerenaam pernecessariis, de regum etiam dominorum suorum vicissitudinaria ac reciproca quadam ex utralibet gente assumptione, ea ut verissima esse, ita etiam magno emolumento atque ornamento utrique genti fuisse talem rerum omnium praestantissimarum inter se communicationem, eandem et in reliquo omni tempore sibi optare, ut, si ita Deo Optimo Maximo visum fuerit, nunquam ea ullo aevo interrumperentur, quin illis ipsis antiquae necessitúdinis ac benevolentiae mutuae vinculis deinceps magis ac magis conjungerentur.

Quod autem in hac occasione mortis serenissimi principis nostri ad eam conjunctionem nos praestantissimi domini Bohemi invitant, proponentes nobis in rcgem unum ex filiis domini sui sacratissimi Rom. imperatoris, quem multis eximiis virtutibus abunde cumulatum esse audimus: non aspernamur consilium praestantiarum suarum, quinimo ut semper principes gensque nostra polona m agnifecit nobilissimam illam domum Austriacam, ut etiam illius plurimas necessitudines per multa et ea proxima conjunctionis mutuae vincula sibi comparaverit, sic eam vellemus quibusque modis opportunis et gratis officiis nostris perpetuo esse retentam. Verum quoniam electio regis apud nos ad multos et eQs quidam diversi generis atque ordinis homines pertinet, quorum sententiae incertae sunt, et quas solus Deus dirigere potest, nobis de illius voluntate nihil adhuc certi atque explorati habentibus nihil etiam definiti de electione regis nostri, quis ille fuerit, praestantiis Vestris et amplissimi regni Bohemici statibus respondere possumus. Deum ipsum tantum ardentissimis votis oramus, ut per inspirationem sancti sui spiritus ex unanimi sententia omnium ordinum talem nobis regem det, qui illius inprimis gloriae studiosus, reipublicae christianae proficuus et nostrae gentis amans sit, qui talis non posset esse non acceptus, ut aliis omnibus christiani nominis populis, sic potissimum cognatae genti bohemicae, cum qua et amoris et omnium officiorum atque charissimarum necessitudinum veterem illam conjunctionem per vellemus esse semper conservatam, sicuti hoc ipsum certo futurum de clementia divina confidimus.

Ac quantum spei nos in Deo his de rebus ponimus, tantundem etiam praestantissimis frätribus nostris dominis Bohemis in his postulatis eorum polliceri audemus, ut quisquis rex noster fuerit, si gratus atque acceptus nobis erit, non poterit illis ipsis esse despicabilis atque odiosus. De quo ipso, posteaquam eum deligere nobis contigerit, non negligemns quam primum ad praestantias suas referre. Quibus interim nos ac perpetua studia nostra fraterna quam diligentissime commendamus.

Ex commissione illustrissimi senatus atque omnium statuum et ordinum regni Poloniae magnique ducatus Lithvaniae.