NA HRADĚ PRAŽSKÉM. 1573, 6. března. Menší desky zemské kvat. č. 128.

... Mittimus ad reverendissimas Dominationes, Dilectiones et Devotiones estras magnificum ac generosum dominum d. Ladislaum seniorem a Lobkowic, regni Bohemiae summum curiae magistrum ac, nobilem ac strenuurn Albertum Kapaun de Swojkow, burggravium districtus Hradecensis, prudentem ac circumspectum Andream Zuter um, civem ac senatoreln Novae urbis Pragensis, cum mandatis sufficientibus vigore literarum fidei vel credentiarum iis de rebus, quas reverendissimae Dominationes, Dilectiones et Devotiones Vestrae ab ipsis cognoscent.

Quo vero id, quod in mandatis habent, tanto liberius et diligentius pertractare illorumque negotia cum oratoribus Caes. Mtis. ac regis Bohemiae ac, domini nostri clementissimi, quotiescunque id opus fuerit, secure ac absque aliquo impedimento conferre Vestrisque reverendissimis Dominationibus, Dilectionibus et Devotionibus proponere valeant, petimus Vestras rmas. Dom., Dilect. et Devot. pro vi veteris confoederationis, vicinitatis, affectionis et amoris, ut praedictos nostros oratores non solum cum comitatu, suppellectile, sarcinis et pertinentiis illorum in vestris ditionibus ubivis gentium per salvum conductum libere, secure et sine omni molestia aut impedimento transire, proficisci, commorari, recedere et redire permittatis, sed etiam amice et liberaliter excipiatis ac idipsum ab aliis etiam, quantum in Vobis erit, fieri curetis, facturae rmae. Dom., Dilect. et Devot. Vestrae nobis rem gratissimam, mutuis amoris et benevolentiae officiis recompensandam. Datae in arce Pragensi sub sigillo provinciali sexta die Martii anno Domini 1573.

Status et ordines incliti regni Bohemiae.