335. Litterae regis Ferdinandi, qualiter ad ducissam Annam uxorem S. E. Mtis post obitum regis Ludovici regnum Boemiae cum omnibus suis pertinentiis devolutum et quo pacto idem Ferdinandus in regem Boemiae electus sit.
dd. 2. Sept. 1545. Copia in archivio c. r. Ministerii pro rebus internis Vindobonae.
Nos Ferdinandus Dei gratia Bomanorum rex semper Augustus, Hungariae, Boemiae, Dalmatiae, Croatiae rex, infans Hispaniae, archidux Austriae, Lucemburgensis et Silesiae dux, Lusatiae marchio. Notum facimus his litteris universis, quemadmodum facto et permissu divino anno 1526 die decollationis Sancii Ioannis Baptistae tristis et luetuosa res accedit, ita quod Serenissimus prineeps et dominus Ludovicus Hungariae, Boemiae rex, frater et affinis noster charissismus pro defensione religionis christianae et regni provinciarumque et subditorum suorum fidelium director, conservatione (?) contra juratum et haereditarium immanissimum totius Christianitatis hostem Turcam depugnans absque haeredibus e vivis excessit, et hetc pacto regnum Boemiae aliaeque provinciae ei incorporatae prout marchionatus Moraviae, ducatus Silesiae, superior et inferior marchionatus Lusatiae cum omnibus et singulis regalibus, dominiis, libertatibus ad eas spectantibus ad serenissimam ducissam et dominam Annam, Romanam, Hungariae, Boemiae reginam, conjugem nostram charissimam, tamquam germanam sororem praenominati regis Ludovici divae memoriae et veram legitimam et naturalem haeredem, juxta indulta, libertates, privilegia et ordinationes imperatoris Caroli Quarti jure devolutum est, prout dictum privilegium id in se fusius complectitur et continet: si ex regia prosapia et stirpe virilis aut muliebris sexus legitime proereatus nemo superesset, ut libera electio regis Boemiae statibus ejusdem regni et provinciis ei incorporatis et non aliter aut alio modo competat. Quae imp. Caroli 4ti litterae datae sunt Pragae anno 1348 indictione prima, septimo Idus Aprilis et regni anno 2do. Et in litteris quoque regis Wladislai domini patris nostri amantissimi augustae memoriae illud expresse appositum est: si praepotens Deus regem Ludovicum e vivis nullis haeredibus relictis evetcaret, tunc secundum jura ordinationes, libertates et privilegia regni Boemiae, reginam Annam, uxorem nostram suavissimam, veram haeredem regni Boemiae esse debere. Quse litterae datse sunt in arce Pragensi feria 6. post Epiphaniae Anno 1510 regnorum Hungarici 20. et Boemici 38.
Quapropter ordines ssepe dicti regni supra nominatam conjugem nostram dulcissimam tamquam veram haeredem et reginam hujus regni juxta tenorem regni Boemiae privilegiorum jurium, ordinationum et libertatum humiliter et obedienter agnoverunt et susceperunt, et nos post jam dietám conjugem nostram amantissimam tanquam veram haeredem pro rege et domino suo ex libera et bona voluntate elegerunt et susceperunt. Quam statuum promptitudinem et nostri in regem electionem et susceptionem dictis statibus eorum haeredibus et posteris favore et gratia nostra regia, nostrorum haeredum et futurorum compensaturi sumus. In ejus rei fidem et evidens testimonium sigillio nostro regio has litteras communiri jussimus.
Datae in arce nostra regia Pragensi feria 3.
[in margine adscriptum: feria IV.] post D. Aegidii anno salutiferi partus 1545 et regnorum nostrerum Romanorum 15. et aliorum 19.