Loci sigillorum:
6. Bavorské dopisy o volbě české l. 1526.
6. Baierische Aktenstücke zur böhmischen Königswahl im J. 1526.
67. Sigismundus rex Poloniae Břetislaum Šwihowský de Riesenberk hortatur, ut quidquid in eo est, regno Bohemiae nunc rege destituto optime consulat et sibi quam primum significet, quid agi oportunum esse cognoverit; se recta Cracoviam profisisci, ut regnis Bohemiae et Ungariae eo celerius presto esse possit.
Litteras has dictus Břetislaus misit ducibus Bavarias die 9. Oct. 1526. Orig. in archivo regio Monacensi 50/3 fol. 35.
Sigismundus dei gratia rex Poloniae, magnus dux Lithvaniae, Russiae, Prussaeque totius etc. dominus et heres.
Generose sincere nobis dilecte. Nunciatus est nobis infelicissimus eventus cum Thurcis Serenissimi domini Hungariae et Boemie regis, nepotis nostri diarissimi et tanta clades, quam ejus Majestas cum exercitu suo accepit, ut etiam de ejus propria salute hactenus nihil constare possit. Quo etcerbissimo casu non solum ejus Majestatis, sed etiam universae rei christianae accepto ingenti dolore perculsi sumus. Et ne pessimis his successibus pejores adhuc succedant maxime timentes, tuani Sinceritatem hortamur et rogamus, ut pro amore domini sui et suae ipsius, patriaeque suae salutis causa una cum aliis fidelibus subditis suae Majestatis, quo id quod reliquum salutis et oportunum fatctu adhuc restare videtur, non pretermittatur, sed quam primum quidquid consilii et auxilii per illam praestari potest, pro conservandis istis regnis in tanto communi casu non deslt officio et debito suo pro illa fide et virtute, quam semper erga illius Majestatem et rempublicam prae se tulit. Nos vero ut istis regnis eo celerius presto esse possimus, omnibus rebus nostris tarn in ducatu Mazovie, cujus possessionem Deo auspice hisce diebus accepimus, quam alibi infectis dimissisque magni momenti rebus nostris, recta Cracoviam proficiscimur, ubi modis omnibus, quibus poterimus, desse (sic) nolumus ut debemus, et illius Majestati et regnis ejus, utcunque haec alia fortunae sese verterit. Et bene valeat S. tua, etc nobis quam primum significare velit, quid in tam aflictis rebus agi et opportunum esse cognoverit. Datum in civitate nostra Warschoviensi feria sexta ipso die festi exaltationis sanctae crucis, anno domini Millesimo quingentesimo vigesimo sexto regni vero nostri vigesimo.
Sigismundus Rex subscripsit.
Generoso Brzecztislao Sswihowski de Ryzembergk et in Rabi, sincere nobis dilecto.