32. Electio Regis Ferdinandi.
Ex MSS. Musei Bohemici publicatum a Jos. Dobrowsky in "Verhandlungen der Gesellschaft des böhm. Museums" 1823.
Anno Domini 1526 die 22. Octobris indictum est jejunium in tota Pragensi civitate ad placandum Deum, ut eis dignaretur suggerere, quisnam ducum aut procerum digne huic (se. Ludovico) succederet, quum quidem mortuo Ludovico regnum heredibus existebat penitus orbatum. Eo die dissidentibus baronibus, militaribus etc civitatum consulibus inter se, visum est nonnullis, 18 seorsum eligere debere, nempe sex ex baronibus, sex ex militaribus, sex ex civitatum consulibus, qui omnium voluntate concessa, eum qui regno prteesse sufficienti regimine, non amicitiam, non divitiarum opulentiam attendentes, posset. Electorum vero nomina haec subsequuntur. Ex baronibus:
[Non concordantur nomina haec cum nominibus in p. 47 et 48 impressis, ad quam differentiam attentionem lectoris eonvertimus] dominus Zdenco Leo, supremus vicecomes Pragensis; dominus Jaroslaus de Schellenberg, supremus regni camerarius; dominus Zdislaus de Lippa, judex regni prsecipuus; dominus Adam de Nova Domo, regni cancellarius; Johannes de Warthenberg; dominus Joannes Pflug. E militaribus: Racslaus Berzkoysky de Szebirzow, regni notarius eminentior; Oppel Ficztum de Novo Schunburg; Henricus Hložiek de Žiampach; Litoborzsky; Joannes Trczka de Lipi et in Lipnice; Wilhelmus de Wrzessowitz et in Dubrawska Hora. Ex civitatum consulibus: Magister Joannes Passka, Zigismundus dictus Zika, Pragenses: Duchek, dictus Dominaczek de Parva Parte; Henricus baccalarius de Montibus Cuthnae; Magister de Ziatcze; Purkrabek de Plzna. Hi memorati altero die, qui est 23. Octobris, audita missarum solennitate in sacellum Sancti Wenceslai arcis Pragensis ierunt. Ubi post praestitum solemne juramentum in conclave dicti sacelli per integrum fere diem in eligendo regem remorati sunt. Appropinquante paene completorii hora, unisona omnium vox et sors Ferdinandum Hispaniarum Infantem etc Austriae archiducem tetigerat. Quibus egredientibus regem se habere asseverabant, at ejusdem nominis intimationem usque diem sequentem, quae est 24. Octobris, distulerant.